Sofia Coppola for Louis Vitton

呢幾季出的LV包包總係令人提唔起勁,黎緊09年出左好多新款,其中一個令我有想去睇睇實物的包包就係佢la↓,有點似KEEPALL但size比KEEPALL細D。好實用的樣子。聽講3月先有得見實物ne。

不得了

2001年那次錯過了的monogram graffiti,教我諗諗不忘。7年後的今天又怎可錯過呢!?就算傾家蕩產也誓要得到手(!)

十蚊要有十蚊的樣子

學校樓下最近新開了一家叫FREE CAFE的台式麵包店,裝潢很美,有外賣飲品的BAR桌,又有麵包蛋糕甜品,仲有座位比人坐,應有盡有,很多源化。

一直都想試下,但係每日店內都勁多人,買個包都要排隊等好耐(!),而日日返學都趕到爆,所以就一直都冇機會幫襯,直到今日中午我返12點,間野冇人wo,所以就入去幫襯下la。嘩...一個很普通的牛角包要成10幾蚊, 最貴的要成4,5十蚊wo,(邊個話金融海嘯,個個有錢都唔很使ga,幾十蚊一個普通麵包,都大把人排隊買lo!)食個早餐je,使唔使咁貴先!?雖然賣相係很不錯的,但真係貴左d lo。算...入左去冇埋由咩都唔買行返出去ga,入面起碼有成9,10對眼望住我lo。我唔想打橫出返去,於是就選左個比我權頭仲要細個ge芝士牛角包,但係都要10蚊wo,咩世界ne!?真係好過去打劫(!)

上到樓上開始食我個貴價麵包的時候,第一啖,屌--凍ge,唔係r,我大拿拿比10蚊出黎(加多幾蚊,買到個熱騰騰ge面ga la wo!),天寒地凍,你竟然叫我食個凍ge包,what the fuck!!!個一刻,我腦海中出現左一句說話,十蚊要有十蚊的樣子。

啊...上堂要有上堂的樣子,即刻將那個可惡的牛角包放埋一邊,專心上我最討厭的數學堂。

自小就深受長輩的教誨,做什麼就應該有什麼的樣子,我真正能夠實行這句說話都係近幾年ge事,忽然我又想起一句,做情侶要有做情侶的樣子啊。哈...但係我仲未諗到做情侶要有d咩樣wo,我想最最起碼ge係要做到專一跟誠實,我常覺得要keep一段relationship,就一定要專一,如果你係未玩夠的話,可以周圍搵人拍散拖,有需要,而又相方同意的話可以just419。ok,我本人唔得。跟一個3,9唔識7的人肉白相見(?)wo,真係換受唔到。最討厭那些背住自己的另一半係出面亂搞的人,但表面上裝出一副好專一的樣子,那些人可知道會傷害到對方的嗎!?你要是喜歡亂搞的,就亂搞完先去認認真真地拍拖,何必去傷害人家!?ok...或者係我out,思想追不到時下的年青人,既然想同0個個人一齊,我會想同佢一身一世,只屬於對方(我的佔有慾都幾強的(!)),唔好睇我講野咁open,但係我思想好保守。

如果你問我下次仲會唔會幫襯個間野,答案係會的,因為佢仲有好多其他產品r,如佢地自家的飲品,甜品我都未試過,而且店內員工服務都好殷勤啊。都算有可取之處,就像那些犯了錯的人,我們都會比多一次機會佢la,係唔係?但機會只有很小,希望他能掌握。不要以為消費者是白痴,人家比機會你,是因為人家認為你有可取之到處。

傳說中的龍蝦裝

崔元記咖啡室,路環半日遊,Kiehl's

今日返學的時間好古怪,12點返第一堂,然後到下午6點先上第二堂,中間空出4個鐘。於是就約今天放假的Guz食野去,我地選左去左幾次都食唔到ge崔元記。因為佢關門時間好早,大約3點幾就冇野食,所以次次都食唔到,有一次4點到去,佢只賣剩一碗通心粉(!)聽聞個度d蕃茄通粉好好食,很多港人都專程去食,今次我地終於食到la!

↓崔元記的外貌,環境優美,給人舒適的感覺,地點又十分易找,但經常拉埋個鐡閘,根本就唔知佢係一間食店。係路環市區的圓形地那裡。店中只有一對夫婦,感覺有點像錦榮,係家庭式經營。鐘意做你生意就做個隻,好鬼串。而店中係冇餐牌,通常做熟客。

因聽聞那裡的通粉好好食,我跟Guz都各自點了豬扒餐肉通同埋雞扒雞亦通。

↓呢個係我點ge豬扒餐肉通,豬扒味道好好食,但肉質有點硬,湯底的材料很豐富,包括牛尾,蕃茄,薯仔,胡蘿蔔,但就係加太多水,味不夠濃。總體都不錯。

↓Guz點的係雞扒雞亦通,湯底跟我的都一樣,但係佢個雞扒比我的豬扒好味,雞亦係咖哩雞亦,Guz話ok好食。埋單連兩杯凍檸樂70蚊,總括黎講都唔錯,只係冇想像中的好食。

○●○●○●○●○●○●○●○●○●○●○●○●○●○●○●○●○●○●

食完野後時間尚早,見天氣好好就四圍行下,影下相。

↓我其中的一間dream house,我常跟友說,如果我要買一間房子,我的首選一定係路環,我愛清靜的居住環境。

↓很喜歡Guz今天的一身做型,其實平時就好喜歡吾友的casual打扮,由於吾友又高又廋,係正宗的model身形,基本上穿什麼都好看。只係隨便穿就很有型。我很喜歡女生作casual的打扮,我不太喜歡女生終日打扮得太過花枝招展。吾友的個性很好,有點像男生,很隨和,有正當職業,不愛名衣,只會閒時買名錶(!)愛車,未有男朋友,而且係處女(!)大家見唔見到Guz笑容十分燦爛ne?因為佢睇緊貨車司機係度窣軚(!)吾友好喜歡會窣軚的男生,如果睇緊呢個blog ge男生係會窣軚,單身,又對吾友有興趣的話,請跟我聯繫。○●○●○●○●○●○●○●○●○●○●○●○●○●○●○●○●○●○●

狂完路環後,仲有好多時間先要返學,所以就去狂DFS,今天又係Kiehl's度敗左兩個東東,↓右邊的係藍色收斂水,之前都有買過,後黎比左羅生,因為而家用緊clinique的爽膚水不好用,於是就再買呢個藍色收斂水,果然我的外號”魔鬼tou”名不虛傳,吾友Guz又跟住我敗了一個。介紹一下這個藍色收斂水,係1964年開始就賣ge星級產品,之前我ge shopping partner C小姐強力推介下買左第一枝,真係好好用,十分控油,而且可以係暗瘡位上外敷5分鐘,有急救作用,適合油性致極油的皮膚用。而且有效收斂毛細孔。但係用完呢個後,就唔可以用含有油份ge面霜,因為會推出好多粒粒出黎。↓而左邊的係無油清爽保濕霜,質地很清爽,而且含PCA成份,跟我之前所用ge nu skin個枝NAPCA一樣,保濕力很強,又溫和。 合計300蚊有找,價位適合我呢D貧苦學生用(!)

腳部受傷時,可以穿呢對鞋

↓有人會想要著住佢周街走黎走去嗎!?
呢對鞋係一個讀design(Gwendolyn Huskers)ge學生設計ge。佢一共design左6對差唔多古怪ge鞋,我覺得呢對最爆。著出街真係人見人打lo(!)証明當初冇擇design黎讀係一個明智ge選擇,因為我真係冇人地咁天馬行空。 照片來源:http://blogue.us

爆炸糖,三千歲,神奇力量

在我的記憶中,從來都唔知道呢個世界上有一種糖含係嘴內會發出爆炸聲,多得鄰座應同學請我食呢隻糖(請原諒我的無知),如果唔係我諗我到雙腳一伸的時候都唔知道原來呢個世界有d咁ge野(!)上課時不停地連續食左2個鐘(!),我真係覺得新奇又有趣,我仲周圍請鄰座的同學仔食(以示友誼,收買人心(!))我仲不停發出kaka聲笑(咩事ne?連個r sir都頂我唔順,係咁望住我),我仲顛到強迫鄰座的所有同學仔聽我嘴內發出的爆炸聲,但係佢地又真係顛到很聽ga wo(!)我諗所有同我上完堂ge同學仔都比我迫到顛左,真係善哉善哉。

○●○●○●○●○●○●○●○●○●○●○●○●○●○●○●○●○●○●○●○●○●
當我地玩得興起時,我就聽到r sir話可能過多500年後,我地會有3000歲,然後我就即刻答嘴:要咁長命做咩r?做人都冇咩意義ga la wo。鄰座同學仔們又開始討論要咁長命做咩好la。
同學A:咁長命D時間未多到用唔完。
T:咁個樣係咁老,但係又唔死wo,咁ge話我會自殺ga wo。
同學B(正玩緊NDS):唔係r,幾好r...
T:咁你而家咩都唔好做住,留係度打10年機先再讀書la。
○●○●○●○●○●○●○●○●○●○●○●○●○●○●○●○●○●○●○●
當食完爆炸糖之後,原本3 9唔識7的同學仔,都突然fd曬,我地係咁講野,原來爆炸糖係有神奇力量ga(!) 除左會令人食上癮之外,仲會令人多言(!)。

閱人，待友

• 當我第一次見到新的朋友仔的時候,大概我會知道這個人係一個怎樣的人。
• 我的直覺OK準確的。
• 我有很強的閱人能力,可能我比較細心。而且我愛聽人講８掛,對閱人其實很有幫助的。
• 正所謂觀人於微,留意別人的小動作,亦可觀察到一點點東西出來。
• 又正所謂相由心生,你睇那個人的面貌,大概都可以推測到那個人的內心。
• 第一次見那個人的時候我大概就會知道我可否跟他交心,我很幸運,我有滿多交心的朋友仔。
• 大家都有聽過物以類聚吧,睇下那個人的朋友,大概可以推測到那個人係一個怎樣的人。
• 如我有很多不同的友,有些由小玩到大(IKI&GUZ),跟我係最相似的,大家都係顛顛低。
• 又有些係名牌奴隸(A小姐,I小姐,仲有D小姐,M小姐),睇下我(!)...
• 又有些愛食的(又係A小姐,唔貴唔好都唔食),又有些愛買的(C小姐),又有些係鐡人(又係C小姐,仲有羅生)(!)又有些係智者(羅生,A小姐),又有些愛衫如命的(A小姐,C小姐)仲有一大堆讀書好叻的同學仔比我問功課(陳小,C韻,D小姐,C小姐,多不勝數,仲有仲有最近好FD的應同學)。
• 睇下我有幾多唔同類型的友,証明我唔係一個剩係識使錢,一D到冇用ge人la,知唔知,ha(!)(有關係咩!?)
• 我們都一把年紀了,已經唔係討論應否交損友的年紀,因為我們已有辨別事非對錯的能力,而且我深信就算幾壞的人,都有可取的一面。
• 多交一些不同層面的,可增廣自己的見聞。
• 朋友間可以互補不足,你可以從對方身上學到對你有益的,而指出友的錯誤(如,你咁著好醜怪),係作為朋友仔的義務。
• 朋友間應互相幫忙(但係我成日要人幫,我好小會幫我D朋友仔忙(因為我會愈幫愈忙),自己都未搞掂,點幫人ne?所以我諗我係我d朋友仔心目中,係一個好麻煩的人,ha...)

對待友人

• 跟不太熟的朋友仔,我會較小表現出我野性(!)的一面。(費時嚇親人la!)
• 一但跟我熟絡左,哈...咁你地就死硬la。
• 因為我愛攞朋友仔的弱點黎開玩笑,所以能夠跟我成為好友的,都係一些心胸廣闊的人。
• 有時候我愛跟友撒嬌(很想吐吧,haha...)
• 我愛叫友送我小禮物(佢地又肯ga wo),我的友都好疼我。
• 我係一個愛說8掛的人(我只會講一d唔會傷害到人的8掛),做人要有口德,不應跟第三者講別人的秘密。
• 有時候上課好悶,不想聽書時,應同學會請我食古古力,叫我比心機聽書。(咩事ne,當我係小朋友!?)
• 有時候心情不好,我愛黑面待友。
• 但他們會氹我。(我的友很會包容人啊!)
• 基本上我係我的友人心目中係一個不受控制的野蠻人。

下期流行

某天在車上跟友人談及影婚紗照時的打扮(女生):

T:我覺得簡簡單單好D lo,因為張相係睇成世ga wo(唔離婚的話),個妝簡單D,唔好又紅又綠咁,唔好化D好時興ge妝,一間10年後out左ge話,攞返出黎睇會好醜ga wo。化個顆妝,對眼唔好化咁多眼影,帶對假眼睫毛,對眼精靈D,就OK la。

羅生:咁如果10年後唔興帶假眼睫毛係對眼度,興帶係鼻個度,咁都係會好out ga wo。

T:(無言(!))

○●○●○●○●○●○●○●○●○●○●○●○●○●○●○●○●

↓羅生,原來10年後係興留長眉毛r。你遲d同人影婚照時就記得流長D眉毛先好去影la。

最近常用的包包

我係一隻極度懶惰的豬,通常用黎用去都係0個2個袋,好小換袋,因為D袋入曬塵袋,根本就唔知邊個打邊個,所以d袋入左塵袋後,係好有可能以後都不見天日(佢地好可憐(!)我呢個負心人裝有同情心(!)。

↓呢三個袋就係我平時用開個三個袋,冇錯,全部都唔係LV GUCCI,係唔係好神奇ne,最近都變得低調了,愛上皮袋。

1. 後面那個PRADA保齡球袋係我剛過去ge暑假最常用ge包包,size對於我黎講係剛剛好,個款咩一百年都唔out,而且夠曬百搭,著咩都襯,好實用,但係有點重,比LV仲要重,所以好小用黎返學。


2. 左手邊那個係BALENCIAGA08年秋冬出的GIANT WORK,銀色柳釘(另有金色的,金色更靚,點解選銀色的呢?係因為我的手飾都以銀色為主,而且銀色男孩用易襯點。),剛剛買回來不久,不到一個月,最近我好似好迷戀BALENCIAGA的包包,覺得佢易襯又有型,好想買曬佢唔同size ge包包返屋企,haha...(我應該係傻左...)


3. 右邊的HERMES shopping bag,用過兩次(!)...唔好問我點解會買,因為我都唔知點解。有次咩呢個袋出去同友人晚飯,友人笑我個袋好似人地買衫送個D環保袋(!)聽完即刻灰曬。


4. 見唔見到包包後面有三個櫃筒,入面就係放滿被我遺忘左ge LV同埋GUCCI,得閒黎打劫我家,識路la(!)呢三個小櫃筒又點會放得曬比我遺忘左ge包包ne,仲有好大部份放係羅生家,羅生家係我ge儲存易(!)。haha

↓最近幾乎冇買過LV了,因為都係人地送我的(!),ha...上次陪A小姐買包包去,無意中比我見到呢條LV掛飾,超美的,但睇完價錢後已經立即放返低,然後A小姐就不知不覺間sales上身(平時跟友人行街,最常sales上身ge係我。),係咁話好靚,好襯我,之後我就話:不如你送比我r(我隨口講下ja wo),點知爽快的A小姐一口就話好,但係佢唔知幾錢ga wo,萬一係十九千7咁點算ne?但係呢個東東我真係唔知要點用lo...掛係邊到都好似唔係咁搭...不過無論如何都謝謝A小姐la。

路過

將眼睛無限放大

眼睛係我地ge靈魂之窗,所以有一對精靈ge眼睛對我地黎講係好重要ga!先講下我平時用咩保養我對大眼睛la(咁話自己對眼,有d唔好意思tim...haha) !
洗完臉後,先用爽膚水,之後再用CLINIQUE ge eye gel,對於我地咁年輕ge皮膚黎講,我覺得用一d比較保濕ge就可以la。但係最好唔好用含油份ge,因為可能會生油脂粒,唔使買太貴的...而且我認為皮膚只要有充足ge水份,就會減小好多皮膚ge問題,所以我ge護膚重點係清潔同埋保濕就好足夠,以東方人黎講,到左25歲之後先用抗老個d美容產品就可以了。

之後一個星期用二次eye mask,因為我用野比較喜歡用一整set的,所以都係用CLINIQUE ge水嫩補濕眼膜(但我覺得價錢有點貴,200蚊一盒,冬天會用得比較多!) 。

而另一又平又有用之選就係佢la↓(係台灣買好似台幣99蚊3塊,即約澳門幣20蚊左右,好便宜,澳門亦有得賣,約7-8蚊一塊左右la,貴一點點,但係佢ge效果係唔錯la...可以買黎試試!) 。
底妝方面,因為經常很晚睡,以致睡眠不足,所以有一對熊貓眼,用YSL的明彩筆就可以解決問題la↓
最後就係講下點樣可以令眼睛無限放大la...對呀,男孩子都可以將眼睛無限放大ga,haha...(對男生或女生而言,用眼線較睫毛膏能將眼睛無限放大,而且較易改變不完美的眼形!)我用的產品如下↓

1. 右上方那瓶係SHISEIDO THE MAKE UP(唔係THE MAKE LOVE,有時口快快會講錯,haha)眼線膏(有一個刷子送),約200蚊左右(買左好耐唔記得la...),本黎係想買BOBBI BROWN的那個,但係我買個陣澳門冇BOBBI BROWN的專櫃,咁岩又急用,聽C小姐講SHISEIDO的都很不錯,所以就買黎試試!。眼線膏的妝效就係眼線筆同眼線液之間,初學者(而且眼睛又唔會太出油的話)最好用返眼線筆先,最初我係用MAC同DIOR的眼線筆的(MAC的較平la...)。兩枝都好好畫(DIOR的效果較實),用法係0係上眼睫毛間畫(即內眼線位),直到填滿睫毛間的空隙就可以了,男孩子千萬唔好係眼皮上畫(即睫毛上方),因為好容易比人睇到你畫左眼線。
2. 左上方ge係MAC的眼線液(約150蚊,好便宜,刷頭像以前寫大字的毛筆,軟軟的,對初學者黎講係好難用,不及其他刷頭像科學毛筆的好用!)買呢個東東的原因係因為我ge眼睛極油,因此用眼 線膏都會出現溶妝ge情況,咁點算好ne?如果只用眼線液的話妝效又太過明顯,而且不夠自然,又不夠粗,咁就用眼線液係用眼線膏畫好ge內眼線下方再加一條用眼線液畫ge內內眼線(即拉高眼皮後,見到有點粉紅色ge位置),畫完之後成日都唔會再有溶眼線ge煩惱la。而且眼睛比之前更加大!
3. 下方個枝係MAC的白色眼線筆(之前長期冇貸,約$115左右),但係白眼線就唔係人人合用,如果你係三白眼的話(即眼珠不夠大,可用大眼con,效果都很不錯,自己本身冇用過,因為本身對眼已經又圓又大,係唔係好想打我ne?haha...雖然如此,但係我都係要將自己對眼無限再無限放大,我真係一個貪心的東西啊!),就千萬唔好用,因為會有反效果! 用法就係0係下眼線ge地方畫就可以la,而我就會畫係下眼睫毛ge上方,有點粉紅色ge地方畫,妝效會更自然!

最後再塗上小量睫毛液就可以了,男孩子可以唔使都得。而貪心的我,已經去到走火入魔的狀態,我的睫毛本身已經好夠長,但係都要將佢冇限伸長,haha...好變態(!)之前一篇都已經講過我用邊隻睫毛液,就係CLINIQUE新出的那枝↓質感超輕,可以係睫毛上塗一千層都唔會有問題,塗幾多層就睇下你想要D咩效果,通常我只會塗一層la,again...我的眼睫毛已經好長,再塗多d會好嚇人!而且我覺得呢枝好岩怕煩的男生用,因為如果你係冇畫眼線,只係單塗呢枝mascara的話,就唔使用卸眼的東東去卸,直接用溫水卸就好了(最初我跟C小姐都會擔心只用溫水卸會卸得不夠清潔,但係原來係唔會ga wo,(好神奇!)返而用卸眼的東東卸,感覺會不太好,因為卸出黎會有好多黑色一粒粒的,會搞到成面都係,好麻煩!),真的好方便,而家返學日日用。而且效果自然,不易比人發現!

再黎講講下眼睫毛用ge睫毛液la↓係MAYBELLINE啡色的mascara,係羅生係台灣買來給我的其中一個手信(而家澳門都有得賣),因係啡色,唔係咁岩用(如果畫左黑色眼線就唔好再用啡色的mascara,會好明顯的,單用係冇咩問題),所以就用黎塗下眼睫毛了,比較自然。

其實懶得像隻豬的我,又點會日日咁神心走去畫眼線ne,平時返學趕過隻狗的我,只會塗上mascara再加一條白色下眼線就走人la,只要睇起上黎較精神整潔就好了(尤其係男生)。

以下再講講畫眼妝的一d tips la:

• 如果畫眼線或塗睫毛液時唔小心畫到眼皮或者整到隻眼周圍都係咁點算ne?

ans:可以用一枝棉花棒點小小潤唇膏抺走就可以了。

• 塗睫毛液時塊鏡放係邊?

ans:平放係枱度,眼睛向下望,因為咁樣就可以清楚睇到睫毛根部,令睫毛根部都塗到睫毛液,睫毛就會冇咁易斷。

• 畫內眼線時,眼睛向邊望?

ans:鏡放係前方,頭微微向上,咁就會輕易找到睫毛根部黎畫la。

CLINIQUE

最近愛上左用CLINIQUE的護膚品,第一次用CLINIQUE ge產品係紫色個枝眼部卸妝,一直用到今日。之後係all about eyes ge eye gel,再之後就係用呢set野la!完全取代左用左3年幾ge nu skin(因為用得太耐,而且成日加價,次次買親都加價,而家只係有用nu skin ge mask...)!吸引我用CLINIQUE ge原因係因為呢set野↓係DFS買,只係400蚊,真係底到冇人信。包括:

1. 深層特效水嫩補濕霜370ml,外面賣350ml ge都要350蚊,而DFS賣ge板本係375ml,多左25ml,真係好底。而且佢ge保濕效果好讚!


2. 之後就係同系列ge eye gel,夏天用係ok ge,但係冬天用有點不夠力,不如all about eyes的好用。


3. 亦係同系列的保濕噴霧,好小用,因為味道有點怪怪的,不如nu skin的NAPCA好。放係set裝上面的係新出的mascara,可用溫水卸,好方便,現在日日用。塗後效果令人滿意,而且係好防水的,我試過用左呢枝mascara之後喊左半個鐘,但係一D都冇溶到,真的很不錯ne!

最近又新買左CLINIQUE的2號爽膚水,其實用完nu skin的爽膚水後,我買左KIEHL'S藍色系列的收斂水,控油效果超好(基本上整天都不用再用面油紙),但無奈佢同我深愛的深層特效水嫩補濕霜不合,塗完KIEHL'S的收斂水再塗深層特效水嫩補濕霜後,會推出很多小粒,櫃姐話係因為深層特效水嫩補濕霜入面含油份所致,因此只好買CLINIQUE的2號爽膚水(但係唔係咁好用)。

用完CLINIQUE以後我諗我會轉用一整set KIEHL'S藍色系列再加CLINIQUE的深層特效水嫩補濕霜組合(因為太好用,又平,而且可以係上左妝ge面上度塗,加強保濕,好方便)!

Yves Salnt Laurent

一向都好喜歡YSL呢個牌子的包裝,金光閃閃的,形到爆。小時候第一次接觸呢個牌子係因為媽媽愛用呢個牌子的口紅。當時澳門都冇賣呢個牌子,直到年前DFS有賣呢個牌子,就一直買佢ge化妝品la...先買佢ge碎粉,再買佢ge明彩筆(好用到不得了)! 直到新佰8伴開左佢ge專櫃,所以就愈買愈多la...
↓呢一set係今日同羅生午飯後逛街買的!超低買的。set裝共有5樣野!

1. 亮澤光彩粉底(粉底的頂部係刷,因為平時上粉底習慣用掃上,所以對我黎講係比教方便la。而且包裝超靚!仲未用,唔知好唔好用,而化妝達人羅生就話呢個粉好薄!不過好唔好用都唔梗要,因為我都係因為佢ge外型而買的,haha...我從來都係咁膚淺!不過我對呢枝野好有信心,因為佢係YSL的皇牌產品之一,聽講話全球唔知幾秒就賣出一枝,好似好勁咁!)


2. 明彩筆(之前一直用開2號色,今次就買3號色, 因為希望遮瑕度好D,我個眼圈愈黎愈黑,好慘!呢枝明彩筆係我每日ge必須品,就算唔化妝都要用佢,用左佢之後,個人睇起黎比較精神,而且可以提升面部輪廓!真係好讚ga!聽講話又係全球唔知幾秒就賣出一枝ge皇牌產品!)


3. 紫色base(係原本產品ge一半量,只有15ml,但係我一向都冇用開base ge習慣。我諗都唔會點用佢ga la...都係得閒冇野做ge時候先會記得用佢。而質感方面都好似幾潤,只係手上試用過。)


4. everlong mascara(未用,唔知好唔好用,如果好用的話,我諗我會買埋佢!)


5. 燈燈燈!!!係粉紅色限量版鏡(唔係因為覺得佢靚先燈燈燈,而係因為佢係限量版!都話左我份人好膚淺ga la,可能塊限量版鏡係限量版10億塊(!)我就係咁好呃,但係佢好重,我諗唔會帶出街!)

特別鳴謝:羅生幫我選粉底色,同埋呢set野係羅生送我的,謝謝...

↓呢個就係今年年頭買ge碎粉餅,一直都好小用,因為C小姐之前送左一個SHISEIDO ge碎粉比我,我用野一向都愛用成set的!而家終於可以用la!ya ho...